HRUNRÉTTUR

Hrunréttur fjallar um verkefni Alþingis, stjórnvalda og dómstóla í kjölfar efnahagshrunsins sem varð á Íslandi haustið 2008. Í bókinni er m.a. fjallað um þá löggjöf sem sett var til að bregðast við hruninu og nánar tilteknar aðgerðir stjórnvalda. Þá er fjallað um helstu úrlausnir dómstóla er tengjast þeim álitaefnum sem komu upp. Bókin varpar ljósi á lagalegar afleiðingar hrunsins og nánar tiltekna þætti þess ásamt því að greina kerfisbundið lög og lagaframkvæmd eftir hrunið.

Í bókinni eru dregnar saman og settar fram með aðgengilegum hætti miklar upplýsingar sem safnast hafa saman á þeim rúmu tíu árum sem liðin eru frá hruni. Slíka heildaryfirsýn hefur hingað til vantað en saman komin á einn stað veitir hún einstaka innsýn í verkefni fullvalda ríkis við efnahagslegt áfall.

Höfundar Hrunréttar eru Ása Ólafsdóttir, Eyvindur G. Gunnarsson og Stefán Már Stefánsson, prófessorar við Lagadeild Háskóla Íslands. Þau hafa öll skrifað um ýmsa þætti hrunsins auk þess að hafa veitt stjórnvöldum ýmsa aðstoð við lögfræðileg álitamál tengd hruninu.

Ritið fæst í vefverslun okkar.

Um höfundana

Ása Ólafsdóttir

Ása Ólafsdóttir er prófessor við lagadeild Háskóla Íslands. Hún lauk embættisprófi í lögfræði árið 1996 og LL.M. gráðu frá Cambridge háskóla árið 2000. Ása var m.a. aðstoðarmaður dómsmálaráðherra frá 2009-2010 og hefur komið að gerð ýmissa frumvarpa á vegum stjórnvalda eftir hrunið.

Eyvindur G. Gunnarsson

Eyvindur G. Gunnarsson er prófessor við lagadeild Háskóla Íslands. Hann lauk embættisprófi í lögfræði árið 1996 og LL.M. gráðu frá Duke háskóla árið 1998. Eyvindur hefur um árabil stundað lögfræðilegar rannsóknir á sviði fjármálamarkaðar og haldið erindi um ýmis álitamál tengd hruninu.

Stefán Már Stefánsson

Stefán Már Stefánsson lauk embættisprófi frá Háskóla Íslands árið 1964 og hefur starfað sem prófessor við Lagadeild frá árinu 1975. Stefán er einn helsti sérfræðingur landsins í Evrópu- og félagarétti og hefur veitt stjórnvöldum umfangsmikla ráðgjöf í kjölfar hrunsins.

Ritið fæst í vefverslun okkar.

Nánari upplýsingar

Bókin Hrunréttur er tæplega 250 blaðsíður, prentuð á hágæða bókapappír og gefin út í harðspjaldi af Fons Juris útgáfu ehf. Útgáfudagur bókarinnar er áætlaður þann 21. ágúst 2019 og verður þeim sem panta hana meðan á forsölu stendur send bókin heim að kostnaðarlausu. Bókin er ætluð öllum þeim sem hafa áhuga á kynna sér nánar hvaða verkefni blöstu við stjórnvöldum, Alþingi og dómstólum í kjölfar hrunsins.

Login

Reset Your Password